Քաղցկեղով հիվանդ մարդկանց թիվն աշխարհում օրեցօր աճում է, բացառություն չէ նաþ Հայաստանը: 
Քաղցկեղով հիվանդ յուրաքանչյուր փոքրիկ պետք է զգա, որ ինքը մենակ չէ:
<<Նանե>>պարային անսամբլի կազմակերպած <<Դու մենակ չես>>բարեգործական ակցիան ուղղված էր քաղցկեղով հիվանդ երեխաներին աջակցելուն և նրանց բուժման պայմանները բարելավելուն: Կազմակերպված մի քանի համերգներից գոյացած գումարի շնորհիվ այժմ փոքրիկներից շատերը բուժվում են գեղեցիկ ու հարմարավետ հիվանդասենյակներում:
Ամեն ինչ սկսվեց նրանից, երբ մի օր <<Նանե>> անսամբլի անդամները << Ազգ>> օրաթերթում կարդացին հայտարարություն մի փոքրիկ տղայի մասին, ով գումարի կարիք ուներ` արտասահմանում քաղցկեղից բուժվելու համար: Երեխաները, խմբի գեղարվեստական ղեկավար Նարինե Տոպոլյանի գլխավորությամբ, որոշեցին իրենց փոքրիկ ներդրումն ունենալ երեխայի բուժման գործում և որոշակի գումար տրամադրեցին: Այս փոքրիկ բարեգործությունն առիթ հանդիսացավ ևս մեկ անգամ մտորելու մեր երկրում բնակվող քաղցկեղով հիվանդ երեխաների խնդիրների մասին: Ժամանակի ընթացքում ծնվեց ընդհանուր գաղափար` իրենց իսկ արվեստի օգնությամբ աջակցել երեխաներին` ավելի մեծածավալ օգնություն ցույց տալով քաղցկեղով հիվանդ երեխաներին:
Գաղափարը զարգանում է, և անսամբլի ղեկավարները ձեռնամուխ են լինում <<Դու մենակ չես>>ակցիայի կազմակերպմանը: Ֆանարջյանի անվան ազգային ուռուցքաբանության ինստիտուտի տնօրինության հետ հանդիպումից հետո նրանք պարզում են, որ քաղցկեղից բուժվող երեխաներին ամենից շատ պակասում են հիվանդասենյակների տարբեր պարագաներ, համապատասխան կահույք: Արդյունքում` համերգների տոմսերի վաճառքից գոյացած ամբողջ գումարն էլ փոխանցվեց այդ խնդրի լուծմանը: <<Նանեի>> օգնության շնորհիվ այսօր արդեն կահավորվել են որոշ հիվանդասենյակներ, կահավորման փուլում են ևս մի քանիսը:
Այս կարևոր ակցիային միացան նաև Էստրադային երգիչներ: Առաջինն ակցիային մասնակցելու պատրաստակամություն հայտնեց Անդրեն, այնուհետև հրավիրվեցին նաև Նունե Եսայանը, Լիանան, ինչպես նաև ասմունքող Վերգինե Սահակյանը: <<Նանեին>> միացել է նաև <<Զարթոնք>> պարային անսամբլը Իրանից, որը հատուկ ծրագիր էր պատրաստել համերգներին ներկայանալու համար:
Համերգի ընթացքում ներկայացվել են ժողովրդական, ստեպ, մոդեռն, դասական և այլ ժանրերի պարեր: Համերգներն ավարտվում էին ակցիայի օրհներգը դարձած Մայքլ Ջեքսոնի <<Դու մենակ չես>> երգի հիման վրա արված բեմադրությամբ:
<<Այժմ անհամբեր սպասում ենք, թե երբ կավարտվեն վերջին սենյակների կահավորումները, որպեսզի այցելենք փոքրիկներին>>,- պատմում է անսամբլի մասնակիցներից Օֆելյա Առաքելյանը:
Մեծ էր նաև հանդիսատեսի ոգևորությունը. շատերը գալիս էին ընտանիքներով, իրենց հետ բերում ընկերներին, ծանոթներին, իրենք էլ աշխատելով, որ ակցիային որքան հնարավոր է շատ մարդ միանա:
Ակցիայի կազմակերպման հարցում <<Նանեին>> օգնել են <<Ազնավուրը Հայաստանին>> հիմնադրամը, <<Արարատ>>հեռուստաալիքը, <<Անտարես հոլդինգը>>, <<Զեբրա>> ընկերությունը, <<Ֆոտոգրուպ>> կազմակերպությունը, Հանրային ռադիոն և Ուռուցքաբանության զարգացման ազգային հիմնադրամը:
Սովորությանս համաձայն, թատրոնի փորձերից հետո գնում եմ Կասկադի սև կատվի մոտ, նստում կողքի նստարանին և կարդում…Կարդում եմ Լերմոնտով, Սարոյան, Բրոնտե քույրիկներ…Այսօր նորից իմ սիրելի Ջեյն Էյրն է` արդեն 4-րդ անգամ…Ընկերուհուս հաշվարկով` 6-րդ…Դե, ինչպես իմ սիրելի ուսուցչուհի Նունե Ալեքսանյանն է ասում. Լավ գրականությունն անըդհատ պետք է վերընթերցել: Այո, լավ հեղինակից երբեք չես հոգնում: Նրանք երբեք չեն կրկնվում…Անգամ եթե նույն բառը հազար անգամ գրեն…
